Ukrayna hərbçiləri son 3 gün ərzində Rusiyanın neft emalı gücünün təxminən 10%-ni təşkil edən 3 neft emalı zavoduna hücum ediblər.

Axar.az xəbər verir ki, bu barədə “Dnipro Osint” Teleqram kanalı məlumat yayıb.

"Kstovo" və "Novokuybışevsk" neft emalı zavodları, eləcə də “Başneft-Novoyl” müəssisəsi zərbələrə məruz qalıb. Bu müəssisələrin ümumi illik neft emalı gücü təxminən 33 milyon ton təşkil edir. Hücumlar genişmiqyaslı xarakter daşıyır: bir zərbə nəticəsində eyni anda bir neçə texnoloji qurğu sıradan çıxa bilər.

Söhbət həm neftin ilkin emalı üçün nəzərdə tutulan avadanlıqlardan, həm də təkrar emal qurğularından gedir. Beləliklə, “enerji atəşkəsi” adlandırılan razılaşma başa çatıb. Ukrayna iki həftə ərzində ABŞ Prezident administrasiyasının xahişi ilə Rusiyanın neft emalı zavodlarına zərbələr endirməkdən çəkinib",- məlumatda deyilib.