Oleşkidə humanitar missiya zamanı altı yaşayış məntəqəsində müvəqqəti atəşkəs elan edilib.

Axar.az xəbər verir ki, bu barədə Ukrayna Ali Radasının İnsan hüquqları üzrə müvəkkili Dmitri Lubinets brifinq zamanı məlumat verib.

O əlavə edib ki, Rusiya tərəfi ilə Xerson vilayətində atəşkəsin müddətinin uzadılması məsələsini də müzakirə edib. Lubinets atəşkəs rejiminin digər bölgələrə də şamil oluna biləcəyini istisna etməyib:

“İlk növbədə Xerson vilayətinin ərazisində yerləşən yaşayış məntəqələrindən söhbət gedir. Daha sonra imkan daxilində bu müsbət təcrübəni digər bölgələrə də genişləndirmək olar”.

O qeyd edib ki, Rusiya ombudsmanı da ötən gün mətbuat konfransı keçirərək, digər yaşayış məntəqələrində oxşar humanitar missiyaların təşkilinə nail olmaq məqsədilə ABŞ-ın birinci xanımı Melaniya Trampa rəsmi müraciət edib.