KTMT Kollektiv Təhlükəsizlik Şurası gələn həftə Ermənistanın təşkilatdakı səsvermə hüququndan məhrum edilməsi barədə qərar qəbul edə bilər.

Axar.az xəbər verir ki, bunu Rusiya xarici işlər nazirinin müavini Aleksandr Pankin TASS-a deyib.

"Ermənistan iki ildən çoxdur ki, üzvlük haqqını ödəmir, ona görə də məsələyə yenidən baxılması və üzvlük haqqı ödənilənə qədər üzvlüyünün müvəqqəti olaraq dayandırılması və ya daha dəqiq desək, səsvermə hüququndan məhrum edilməsi barədə qərar qəbul edilməsi tamamilə mümkündür. Bu, nizamnamədə, onun konkret maddəsində nəzərdə tutulan sırf texniki məsələdir. Beləliklə, bu, mümkün nəticədir, amma bu, prezidentin qərarından asılıdır", - deyə o bildirib.