Əməliyyatı Tehranın nüvə silahı əldə etməsinin qarşısını almağa yönəlmiş cəsarətli və tarixi təşəbbüs hesab edirəm.

Axar.az xəbər verir ki, bunu ABŞ-ın hərbi naziri Pit Heqset İrana qarşı həyata keçirilən hərbi əməliyyat haqda deyib.

“Tramp administrasiyası olaraq İranın heç vaxt nüvə silahına sahib olmamasını təmin etməkdə qətiyyətliyik. Prezident Trampın rəhbərliyi altında ABŞ-ın hərbi potensialını gücləndirməyə davam edəcəyik.

Mənim vəzifədən uzaqlaşdırılmağım üçün demokratların irəli sürdüyü impiçment təşəbbüsləri siyasi teatrdan başqa bir şey deyil. Demokratlar daha əvvəl Prezident Donald Trampa qarşı iki dəfə impiçment prosesi başladıb. Onlar siyasi araşdırmalardan rəqiblərinə qarşı istifadə edirlər. Lakin bu cəhdlər Prezident Trampa qarşı nəticə vermədiyi kimi, mənə qarşı da nəticə verməyəcək.

Mənə hücum edirlər, bizə hücum edirlər, çünki biz effektivik. Bu, nəticə verməyəcək. Geri addım atmayacağıq”, - o bildirib.