Türkiyə hava hücumundan müdafiə imkanları baxımından daha bir mühüm mərhələni geridə qoyub.

Axar.az Türkiyə mediasına istinadla xəbər verir ki, HİSAR layihəsi çərçivəsində HİSAR+A avtonom sistemindən buraxılan infraqırmızı təsvir sistemli başlıqla təchiz edilmiş raket, reaktiv mühərrikli hədəfi uğurla məhv edib.

Qeyd edək ki, avtonom konfiqurasiyası sayəsində HİSAR A+ aşkar etmə, izləmə və atəşə nəzarət daxil olmaqla bütün funksiyaları tək bir vasitədən müstəqil şəkildə yerinə yetirə bilir və bununla da Türkiyə Silahlı Qüvvələrinin hava hücumundan müdafiə imkanlarını gücləndirməyə davam edir.