Almaniya kansleri Fridrix Merz bütün üzv dövlətlərin 2027-ci və sonrakı illərdə Ukraynanın maliyyələşdirilməsinə töhfə verməyə razı olmadıqları təqdirdə 2028-2034-cü illər üçün AB büdcəsini bloklamaqla hədələyib.

Axar.az xəbər verir ki, bu barədə “Faynənşl Tayms” qəzetinin məlumatında deyilir.

Bununla bağlı kanslerin Avropa Şurasının sədri Antonio Koştaya göndərdiyi məktubda bildirilib.

Məktubda deyilir ki, Ukrayna 2027-ci ildə 70 milyard avroluq maliyyə kəsri ilə üzləşmək riski daşıyır.

Bundan əlavə, Almaniya kansleri Ukraynanın maliyyələşdirilməsi ilə bağlı gələcək qərarların yekdilliklə deyil, səs çoxluğu ilə qəbul edilməsini istəyir.

Nəşr qeyd edir ki, bu ultimatum 12 və 13 noyabr tarixlərində Dublində keçiriləcək AB liderlərinin görüşü ərəfəsində verilib və Merz Ukraynanın maliyyə çatışmazlığının həllini tələb etmək niyyətindədir.