ABŞ Rusiya ilə mümkün sülh razılaşmasının bir hissəsi kimi Ukraynanın inzibati sərhədlərinin yenidən müəyyənləşdirilməsi təklifini nəzərdən keçirir.

Axar.az xəbər verir ki, bu barədə “Ekonomist” məlumat yayıb.

Məlumata görə, “kartoqrafik saxtakarlıq” kimi xarakterizə edilən təklif Donetsk və Luqansk vilayətlərinin inzibati sərhədlərinin dəyişdirilməsini nəzərdə tutur.

Bu, Ukraynanın nəzarətində saxladığı qalan şəhərləri təhvil vermədən Rusiyaya hər iki region üzərində tam nəzarət iddiası irəli sürmək imkanı verə bilər.

Bununla belə, ərazilərə nəzarət, təhlükəsizlik təminatları və mümkün razılaşmanın digər şərtləri ilə bağlı tərəflər arasında ciddi fikir ayrılıqları qalmaqdadır.