Ermənistanın Kollektiv Təhlükəsizlik Müqaviləsi Təşkilatında (KTMT) səsvermə hüququndan, eləcə də rəsmi vəzifələrə nümayəndə təyin etmək hüququndan məhrum edilməsi qərarı təşkilatın sammit iştirakçıları tərəfindən qəbul edilib.

Axar.az xəbər verir ki, bu barədə Rusiya prezidentinin mətbuat katibi Dmitri Peskov məlumat verib.

Peskov qərarın İrəvanın bir neçə ildir ki, öhdəliklərini yerinə yetirməməsi ilə bağlı olduğunu vurğulayıb:

"Məsələ qaldırıldı və qərar qəbul edildi. Ermənistanın bir neçə ildir təşkilatın nizamnaməsi üzrə öhdəliklərini yerinə yetirmədiyini nəzərə alaraq, Ermənistanın səsvermə hüququndan, eləcə də KTMT daxilində yüksək vəzifələrə nümayəndələrini təyin etmək hüququndan məhrum edilməsi təklif edildi və qərar verildi".