ABŞ kosmik agentliyi NASA astronavtlar üçün yeni işə qəbul elan edib.

Axar.az Geekspin portalına istinadən xəbər verir ki, işə qəbul olanlara olduqca yüksək maaş və Aya uçmaq şansı vəd edilib.

Astronavtlar üçün başlanğıc əmək haqqı illik 164.395 dollardır. Bu, ABŞ-da orta illik əmək haqqından təxminən iki dəfədən çoxdur.

"Pəncərə açıqdır. Missiya gözləyir. Bəşəriyyətin indiyə qədər başladığı ən böyük macərada əskik olan tək şey sizsiniz", - NASA-nın administrator müavini Mett Anderson bildirib.

Nəşr xatırladır ki, NASA-nın əvvəlki qəbulu 2024-cü ildə keçirilmişdi. O zaman 8000-dən çox insan müraciət etmişdi ki, onlardan da yalnız 10-u qəbul edilmişdi.