Yəməndəki üsyançı husilər Ər-Riyadda "Saudi Aramko" şirkətinin obyektinə, eləcə də krallığın cənubundakı hava limanına və aviabazasına dron və ballistik raket zərbələri endiriblər.

Axar.az xəbər verir ki, bu barədə hərəkatın hərbi sözçüsü Yəhya Səriya məlumat verib.

"Silahlı qüvvələrimiz Ər-Riyadda dron vasitəsilə "Aramko" şirkətinə hücum ediblər", - deyə o bildirib.

Səriyanın sözlərinə görə, hədəf uğurla vurulub.

Bundan əlavə, husilər dron vasitəsilə hava limanında hərbi nəqliyyat təyyarəsini vurublar. Səriya əlavə edib ki, üsyançılar həmçinin Xamis Muşait aviabazasına ballistik raket hücumu həyata keçiriblər.