İran ABŞ-la münaqişə zamanı raket texnologiyalarını əhəmiyyətli dərəcədə təkmilləşdirib və zərurət yaranarsa, raketlərinin uçuş məsafəsini artıra bilər.

Axar.az xəbər verir ki, bunu SEPAH-ın Aerokosmik Qüvvələri komandanının müşaviri Əlirza Bilali deyib.

“Vaşinqtonla qarşıdurma Tehrana raket və PUA-ların hazırlanması sahəsində təcrübə toplamağa, silahları döyüş şəraitində sınaqdan keçirməyə və onların effektivliyini artırmağa imkan verib”, - Bilali bildirib.

Onun sözlərinə görə, SEPAH-ın Aerokosmik Qüvvələr Həftəsi münasibətilə Tehranda təşkil olunan sərgidə 2-3,5 min kilometr uçuş məsafəsinə malik raketlər, 30 saata qədər havada qala bilən PUA-lar, hava hücumundan müdafiə kompleksləri və peykləri 500 kilometrədək hündürlüyə çıxarmaq qabiliyyətinə malik daşıyıcı raketlər nümayiş etdirilib.