Türkiyə Prezidenti Rəcəb Tayyib Ərdoğan Qətər Əmiri Şeyx Təmim bin Həməd əs- Sani ilə İstanbulda görüşüb.

Axar.az xəbər verir ki, bu barədə “Anadolu” agentliyi məlumat yayıb.

Məlumata görə, liderlər Yüksək Strateji Komitənin 12-ci iclasına rəhbərlik ediblər. İclasın yekunu olaraq, iki ölkə arasında ticarət, təhsil, diplomatiya və müdafiə sahələrini əhatə edən 5 saziş imzalanıb.

İmzalanan sənədlər istehlakçı hüquqlarının müdafiəsi və bazara nəzarət, təhsil sahəsində əməkdaşlıq, sülh və münaqişələrin həlli, eləcə də qarşılıqlı müdafiə məsələlərini əhatə edir.

İclasın sonunda Birgə Bəyannamə qəbul olunub.