Avropa Birliyi süni intellektin inkişafına, o cümlədən qabaqcıl süni intellekt modellərinin yaradılmasına, mikroçiplərin və digər avadanlıqların istehsalına 500 milyard avro investisiya cəlb etməlidir.

Axar.az xəbər verir ki, bu sözləri Avropa Komissiyasının prezidenti Ursula fon der Leyen Dublində AB liderləri ilə görüşdən sonra bildirib.

Onun sözlərinə görə, Avropada ABŞ-dan daha çox texnoloji startaplar yaradılır, lakin onların əksəriyyəti bizneslərini genişləndirmək üçün lazımi dəstəyi almır.

O əlavə edib ki, süni intellektə investisiyaların artırılması AB-nin Amerika və Çin texnologiyalarından asılılığını azaltmaq məqsədi daşıyır.