Hörmüz boğazının cənub hissəsində dəniz minalarına dəyməsi nəticəsində iki neft tankeri yanıb.

Axar.az xəbər verir ki, bu abrədə SEPAH-dan məlumat verilib.

SEPAH-ın məlumatına görə, sözügedən tankerlər naviqasiya və avtomatik identifikasiya sistemlərini (AİS) söndürərək boğazdan icazəsiz marşrutla gizli şəkildə keçməyə cəhd göstəriblər.

Bildirilir ki, minalara toxunduqdan sonra tankerlərdə güclü partlayış və yanğın meydana gəlib. Hazırda hər iki neft tankeri SEPAH-ın Hərbi Dəniz Qüvvələrinin nəzarəti altındadır. Gəmilərin dəniz hərəkətini idarəetmə mərkəzinin xəbərdarlıqlarına əməl edərək Fars körfəzi istiqamətində geri qayıtdığı qeydə alınıb.