Ukrayna antikorrupsiya komitəsi keçmiş prezident Viktor Yanukoviçin qarajından "Dovjenko" kinostudiyasına aid nadir maşınlar tapıb.

"Axar.az" xəbər verir ki, keçmiş prezidentin Mejiqoryedəki iqamətgahından onlarla "BMW", "Ford Hot Road 1934", "Chevrolet İmpala", "Rols-Roys 1950" və digər retro avtomobillər aşkar olunub.

Qarajda sovet istehsalı olan "Zil", "Çayka", "Volqa", "ZAZ" və "ZİS" kimi avtomobillər də yer alıb.

Bundan başqa Kiyev yaxınlığında Yanukoviçin kiçik oğlu Aleksandra məxsus bahalı avtomobillərin olduğu avtopark tapılıb. Onların arasında "Yaquar", "Mersedes", "Hammer", "Renc Rover", "Rols-Roys" kimi avtomobillər olub.