“Qafqaz” yolunda baş verən qəzadan sonra Çeçenistanda alkoqollu içki satan bütün obyektlər qapadılıb.

Axar.az xəbər verir ki, bunu Çeçenistan lideri Ramzan Kadırovun keçirdiyi iclasda çıxışı zamanı parlamentin sədri Maqomed Davudov söyləyib.

Spikerin iddiasına görə, alkoqollu içkilərin satışı ilə məşğul olan şəxslər könüllü şəkildə bu fəaliyyətlərindən imtina ediblər:

“İndiyə qədər Çeçenistanda spirtli içki satışı ilə məşğul olan 20 məntəqə var idi. Hazırda bu məntəqlərdən heç biri işləmir”.

Qeyd edək ki, oktyabrın 14-də “Qafqaz” yolunda iki sərnişin avtobusunun toqquşması nəticəsində 5 nəfər həlak olmuş, 27 nəfər isə yaralanmışdı.