Suriyada ABŞ-ın ilk məqsədi mülki vətəndaşları qorumaq və müxalifləri dəstəkləmək olmalıdır.

Axar.az xəbər verir ki, bunu Atlantik Şurasında çıxışı zamanı ABŞ-ın eks-prezidenti Corc Buşun Təhlükəsizlik Məsələləri üzrə keçmiş müşaviri Stiven Hedli söyləyib. Bölgədəki vəziyyətin həddən artıq ağır olduğunu deyən Hadli bölgəyə yeni qüvvələrin yeridilməsinin doğru olmadığını bildirib:

“ABŞ bu ölkəyə əsgər göndərib, Əsəd rejimi ilə savaşa girməməlidir. İlkin addımımız İŞİD və Əl Qaidə ilə savaş olmalıdır. Vaşinqton hərbi güc yerinə iqtisadi və siyasi qüvvəsindən yararlanmalıdır. ABŞ son illər daha çox Yaxın Şərqə diqqətini yönəldib. Mən burada həddindən artıq Amerika əsgəri görmək istəmirəm. Yaxın Şərq illərlə çox şey dedi, amma Vaşinqton onların heç birini dinləmədi. Artıq yerli xalqları dinləmək vaxtı çatıb”.