Trampın komandası artıq İranla imzalanan nüvə müqaviləsinin gələcəyi ilə bağlı daxili diskussiyalara başlayıb.

Axar.az xəbər verir ki, bunu “Foks Nyus” telekanalına müsahibəsində ABŞ-ın yeni vitse-prezidenti Maykl Pens söyləyib. Qatı mühafizəkar vitse-prezident İranla razılaşmanın qüsurlu müqavilə olduğunu bildirib:

“Trampın köməkçiləri bu problemin həllində ona ən yaxşı variantları təklif edəcəklər. Bütün təkliflərdə ilk pillədə ABŞ-ın və müttəfiqlərinin maraqları dayanacaq”.

Pens həmçinin ABŞ-ın İsraili bundan sonra da bütün qüvvələri ilə müdafiə edəcəyini söyləyib.

Qeyd edək ki, seçkiqabağı təşviqat kampaniyası zamanı Donald Tramp İranla imzalanan nüvə müqaviləsini ABŞ üçün rüsvayçılıq adlandırıb və hakimiyyətə gələcəyi təqdirdə onu ləğv edəcəyini bildirib.