ABŞ
Xarici İşlər naziri Con Kerri Suriyada Əsəd rejiminin yardımların
çatmasına maneə törətdiyini və buna görə də suriyalıların it-pişik
əti yediyini deyib.
Con Kerri
Suriya məsələsinə siyasi həll tapılması məqsədilə keçiriləcək
"Cenevrə-2" konfransının tarixinin yaxın günlərdə dəqiqləşəcəyini
də söyləyib.
"Axar.az"ın xəbərə görə, Orta Şərqə səfəri çərçivəsində
İordaniyanın paytaxtı Ammana gələn Kerri İordaniyalı həmkarl Nasır
Cevde ilə birgə mətbuat konfransı təşkil edib. Suriya məsələsinin
həll olunması mövzusunda qərarlı olduqlarını bildirən Kerri
"Cenevrə-2" Konfransının keçirilmə tarixinin yaxın günlərdə
dəqiqləşəcəyinə inandığını bildirib:
"Əsədin vəhşiliyini
dayandırmaq üçün çalışmaq lazımdır. ABŞ olaraq düşünürük ki, Əsəd
rəhbərlikdən dərhal uzaqlaşmalıdır".
Kerri
təxminən 600 min suriyalıya sığınacaq verən İordaniya rəhbərliyinə
və xalqına da təşəkkürünü bildirib.
Bu gün isə
ABŞ Dövlət katibi Cenevrəyə planlaşdırılmamış səfərə çıxır.
Məlumata görə, Rusiya, Çin, Fransa, ABŞ, Böyük Britaniya, Almaniya
- P5-in İranla danışıqlarına yardımçı olmaq və İran Xarici İşlər
naziri Məhəmməd Cavad Zəriflə görüşəcək.
Əgər bu
görüş baş tutsa, onda son 35 ildə ABŞ və İran arasında bu, ilk
görüş olacaq.