Türkiyənin qonşu ölkələrlə üz-üzə qalma ehtimalı çox olduğundan ABŞ bu ideyanı dəstəkləyirdi.

Axar.az xəbər verir ki, bunu Türkiyənin Vətən Partiyasının sədr müavini, təqaüddə olan general-mayor Bəyazid Qaradaş "Tasnim" agentliyinə müsahibəsində deyib.

Türkiyənin Yaxın Şərqdə atdığı addımlardan danışan siyasətçi Yeni Osmanlı fikrinin kökündən yanlış olduğunu iddia edib:

“Türkiyənin torpaq almaq kimi bir niyyəti yoxdur. Yeni Osmanlı fikri Davudoğlu (Türkiyənin keçmiş baş naziri Əhməd Davudoğlu, – red) tərəfindən ortaya atılıb. Türkiyənin qonşu ölkələrlə üz-üzə qalma ehtimalı çox olduğundan ABŞ bu ideyanı dəstəkləyirdi. Yeni Osmanlı ideyası ABŞ-ın və Mərkəzi Kəşfiyyat İdarəsinin (MKİ) Davudoğludan istifadə edərək ortaya atdığı təbliğat vasitəsidir”.