Gürcüstan Antiterror Mərkəzinin eks-rəhbəri Zurab Maysuradze Litvada saxlanılıb.

Axar.az xəbər verir ki, bunu jurnalistlərə açıqlamasında Litva Dövlət Sərhədlərinin Mühafizə Xidmətinin rəhbəri Qedryus Mişutis söyləyib. Maysuradzenin saxlanılmasına səbəb Rusiyanın İnterpol xətti ilə elan etdiyi axtarış olub. Moskva Maysuradzeni terrorçuluq fəaliyyətlərində iştirak görə axtarışa verib.

Qeyd edək ki, Maysuradze Kiyevdən Litvaya uçan zaman yaxalanıb. O 10 günlük həbs edilib. Hazırda onun Rusiyaya ekstradisiya məsələsi müzakirə edilir.

Maysuradze Mixail Saakaşvilinin kadrları siyahısına daxildir. Rusiya onu məşhur terrorçu Əhməd Çatayevlə əlaqədə günahlandırır.