Rusiya hərbçiləri Cənubi Osetiyada genişmiqyaslı hərbi təlimə start veriblər.

Axar.az xəbər verir ki, təlimdə 1500 hərbçi və 500 hərbi texnika iştirak edir. Gürcüstanın işğal edilmiş ərazilərində başlayan hərbi təlimə Rusiyanın Cənubi Osetiyadakı bütün hərbi birləşmələri qatılıb.

Qeyd edək ki, Cənubi Osetiya Gürcüstan ərazisidir. 2008-ci ildə Gürcüstanla-Rusiya arasında baş tutan savaşdan sonra bölgədəki separatçılar Moskvanın dəstəyi ilə Cənubi Osetiyanı müstəqil elan ediblər. Rusiya separatçı qurumun müstəqilliyini tanıyan ilk ölkə olub.