Ana səhifə Planet |
2015-ci il ərzində dünya ölkələrinin hərbi xərcləri 1,676 trilyon dollar olub.
Axar.az xəbər verir ki, bu informasiya Stokholm Beynəlxalq İnstitutu SİPRİ-nin hazırladığı hesabatda yer alıb. Hesabata əsasən, bir il ərzində dünyanın hərbi xərcləri 1% və ya 1,66 milyard dollar artıb. Bu, hərbi xərclər dünyanın ümumi daxili məhsulunun 2,3%-ni təşkil edir.
2015-ci ildə də dünyada ən böyük xərclərə ABŞ sahibdir. Vaşinqtonun payına dünyanın hərbi xərclərinin 36%-i düşür. Ondan sonrakı yerləri isə Çin, Səudiyyə Ərəbistanı və Rusiya tutur.
ABŞ keçən il də dünyada ən böyük silah ixracatçısı olub. Onun ümumdünya silah ixracatında payı 33% təşkil edir. Vaşinqtonun ən yaxın rəqibi isə Rusiyadır. Moskvanın silah ixracatında payı 25% təşkil edir. Silah ixrac edənlərin ilk onluğuna Çin (5,9%), Fransa (5,6%), Almaniya (4,7%), Böyük Britaniya (4,5%), İspaniya (3,5%), İtaliya (2,7%), Ukrayna (2,6%) və Niderland (2%) daxildir.
Ən böyük idxalçıları sırasında isə siyahı tamam dəyişir. Silah idxalçılarına dünyada Hindistan liderlik edir. Hindistan dünya silah idxalatında 14% paya sahibdir. Ondan sonrakı yerləri Səudiyyə Ərəbistanı (7%), Çin (4,7%), Birləşmiş Ərəb Əmirlikləri (4,6%), Avstraliya (3,6%), Türkiyə (3,4%), Pakistan (3,3%), Vyetnam (2,9%), ABŞ (2,9%) və Cənubi Koreya (2,6%) tutur.
Tarix
2016.12.07 / 00:01
|
Müəllif
İlkin Həsənov
|