ABŞ Senatı bu həftə Suriyadaki müxaliflərə hava müdafiə sistemi verilməsini təsdiq edəcək. Qərar qəbul edilsə, ABŞ Suriyanın şimalındakı kürdlərə “Stinger” raketləri göndərəcək.

Axar.az xəbər verir ki, mütəxəssislər daşına bilən bu raketlərin PYD/PKK-nın əlinə keçəcəyi halda Türkiyə üçün böyük təhlükə yaranacağı qənaətindədir.

Çünki ABŞ İŞİD-ə qarşı ən önəmli güc olaraq PYD-ni qəbul edir. Bu təşkilatın da PKK-ya maddi və hərbi yardım etdiyi heç kimə sirr deyil.

Ayrıca, yeni silahların bölgəyə gəldikdən qısa müddət sonra terrorçulara qarşı deyil, Türkiyəyə gətirilərək terror aktlarında istifadə olunacağı iddia edilir.