Özbəkistanın yeni prezidenti Şövkət Mirziyayev ilk rəsmi səfərini Rusiyaya edəcək.

Axar.az xəbər verir ki, bu barədə informasiyanı “RİA Novosti” agentliyi özünün etibarlı mənbələrinə istinadən yayıb. Mənbə artıq rəsmi Daşkəndin səfər hazırlığına başladığı bildirib. Rusiyaya səfər gələn il əvvəlində Mirziyayevin inauqurasiya mərasimindən sonra baş tutacaq.

Qeyd edək ki, İslam Kərimov dövründə Özbəkistan Rusiyaya meyillənsə də, daima balanslı xarici siyasət yeritməyə çalışıb. Ekspertlər Mirziyayevin rusiyayönlü siyasətçi olduğunu iddia edirlər. Bəzi mənbələr isə onun rusiyalı milyarder Əlişir Usmanovun qohumu olduğunu bildirirlər.

Bir neçə gün öncə Rusiya Prezidenti Vladimir Putin Mirziyayevi rəsmən ölkəsinə səfərə dəvət edib.