Dünən Yunanıstanın paytaxtı Afinada 2008-ci ildə polis tərəfindən öldürülən 16 yaşlı gənc Aleksandros Qriqoropulosu anmaq üçün etiraz aksiyası keçirilib.

Axar.az xəbər verir ki, aksiya zamanı polislə qarşıdurma baş verib. Özlərini “anarxist” adlandıran bir qrup maskalı polisə daş və Molotov kokteyli atıb.

23 nəfər polis tərəfindən saxlanılıb, onlardan 4-ü barəsində həbs qətimkan tədbiri seçilib.

Etiraz aksiyaları təkcə Afinada yox, ölkənin ikinci böyük şəhəri Saloniki və Krit adasında da təşkil olunub.

Xatırladaq ki, Aleksandros Qriqoropulos 6 dekabr 2008-ci ildə iki polis əməkdaşı tərəfindən açılan atəş nəticəsində həlak olub. Bu hadisədən sonra etiraz aksiyaları bütün ölkəni bürüyüb.