Ermənistanın Sünik vilayətində baş verən yol nəqliyyat hadisəsi nəticəsində ölkə Müdafiə Nazirliyinin Təhlükəsizlik Xidmətinin əməkdaşları - avtomobili idarə edən leytenant Armen Musikyan və kapitan Aleksan Simonyan ölüb.

Report xəbər verir ki, qəza Yerevan-Gorus avtomobil yolunda baş verib.

Məlumata görə, “Leksus” markalı PN 0001 dövlət nömrə nişanlı avtomobil Mehri–İrəvan yolunun 231-ci km-də yolun hərəkət hissəsindən çıxaraq, 40 metr yuvarlanmaqla dərəyə düşüb.

Onların Ermənistan Prezidenti Serj Sərkisyanı Azərbaycanın işğal altında olan Dağlıq Qarabağ bölgəsinə səfərdə müşayiət etdikləri ehtimal olunur.