Rusiya dövlət telekomunikasiya şirkəti “Rostelekom”, ölkənin ən böyük 5 bankı və maliyyə təşkilatlarına DoS hücumlar olub.

Axar.az xəbər verir ki, “Rostelekom”dan verilən açıqlamada hücumların “TCP SYN Flud” tipli olduğu bildirilib.

Dekabrın 5-də baş verən insident zamanı saniyədə 3.2 milyon sorğu göndərilib. Ən uzun çəkən hücum isə 2 saatdan çox davam edib.

Şirkətin Kiber Təhlükəsizlik Mərkəzinin direktoru Müslüm Meclumov hücumların CVMP (TR-069) protokolunu dəstəkləyən cihazlar tərəfindən edildiyini deyib.

Qeyd edək ki, Federal Təhlükəsizlik Xidməti (FSB) ötən həftə Hollandiyada yerləşən Ukrayna hostinq şirkətindən Rusiyanın müxtəlif şəhərlərindəki maliyyə təşkilatlarına kiber hücum olacağını açıqlamışdı.