Serbiya öz suverenliyi və ərazi bütövlüyü məsələsində tam şəkildə Rusiyaya arxalana bilər.

Axar.az xəbər verir ki, bu bəyanatı Rusiya Xarici İşlər Nazirliyi yayıb. Rəsmi Moskva Belqradın Avropa Birliyinə üzvlüyə can atmasının Rusiya ilə münasibətləri gücləndirməsinə maneə yaratmadığını bildirib.

Qeyd edək ki, Rusiya Xarici İşlər naziri Sergey Lavrov dekabrın 12-də Belqrada səfər edəcək.

Serbiya Rusiyanın Balkanlarda əsas müttəfiqi sayılır. Serbiya hökumətinin Qərbə inteqrasiyası Moskvanı daha diqqətli siyasət yeritməyə məcbur edir. Rusiya rəhbərliyi artıq bir neçə dəfə NATO-nun Serbiyanı öz tərkibinə qəbul etmək istəyi ilə bağlı xəbərdar edib.