İstanbulun Beşiktaş rayonunda baş verən terror hücumunda ölənlərin sayı 44-ə çatıb.

Axar.az xəbər verir ki, yaralıların sayı isə 155 civarındadır.

Qeyd edək ki, dekabrın 10-da axşam saatlarında İstanbulun mərkəzində yerləşən “Vodafon Arena” stadionunun çıxışı yaxınlığında iki güclü partlayış baş verib.

Partlayışlar Çevik Polis Alayının toplandığı yerdə, bomba yüklü avtomobillə törədilib. Kamikadzeni hədəfə 10 metr qalmış müəyyən edən polislər itkini maksimum azaltmaq üçün tədbir görüblər. Terrorçunu saxlayan 5 polis həyatları bahasına qəhrəmanlıq göstərərək partlayışın qarşısını almağa çalışıblar.

Hadisə ilə bağlı 13 nəfər həbs olunub.

Bu arada terror hücumunun baş verdiyi yerə “Şəhidlər təpəsi” adı verilib.