Yunanıstanın paytaxtı Afinada terrorçular Əmək Nazirliyinə terror hücumu reallaşdırmağa cəhd göstəriblər.

Axar.az xəbər verir ki, naməlum şəxslər naziriyin inzibati binasına bomba yerləşdiriblər. Daha sonra “Sintakton” qəzetinə zəng edən naməlum şəxs şəhər mərkəzində yerləşən nazirlikdə partlayış olacağını deyib.

Hadisəyə dərhal müdaxilə edən polis binanı mühasirəyə alıb, axtarışlara başlayıb. Axtarış zamanı binanın ön qismində dəmir barmaqlıqlara asılmış şübhəli çanta aşkarlanıb. Mütəxəssislərin iştirakı ilə çantadakı partlayıcı maddə zərərsizləşdirilib.

Xatırladaq ki, bir müddət öncə Fransanın Afinada yerləşən səfirliyinə motosikletli iki şəxs tərəfindən hücumu olmuşdu. Hadisə zamanı 1 təhlükəsizlik işçisi yaralanmışdı.