Trampın Tayvanı tanıması və vahid Çin siyasətindən imtina etməsinə cavab olaraq Pekin ABŞ-ın düşmənlərinə hərbi yardım edə bilər.

Axar.az xəbər verir ki, bu iddia ilə Çinin ingilisdilli “Qlobal Tayms” qəzeti çıxış edib. Hökumətə yaxınlığı ilə seçilən qəzet Çinin ABŞ-la əlaqələrini kəsə biləcəyini bəyan edib:

“Trampın Pekinə qarşı tutacağı mövqe ucbatından Çin Tayvanın özünə sülh yolu ilə birləşdirilməsindən imtina edib, hərbi addımlar ata bilər. Tramp geosiyasi manyak deyil. Görünür, o, hələlik ABŞ-ı hansı təhlükəli müharibənin içinə çəkdiyini bilmir”.

Qeyd edək ki, bundan öncə ABŞ-ın yeni seçilmiş prezidenti Donald Tramp Vaşinqtonun vahid Çin siyasətinə riayət etməməli olduğunu bildirib.