Rusiya Prezidenti Vladimir Putin ABŞ-ın yeni seçilmiş prezidenti Donald Trampla hər an görüşməyə hazır olduğunu açıqlayıb.

Axar.az xəbər verir ki, Yaponiyaya 15-16 dekabrda planlaşdırılan səfər öncəsi “Nippon” telekanalı və “Yomiuri” qəzetinə müsahibə verən Kreml rəhbəri ABŞ-la münasibətləri sahmana salmaq üçün görüşün vacib olduğunu deyib:

“Trampla görüşə gəlincə, güman edirəm ki, seçilmiş prezidentə kabineti formalaşdırmaq və vəzifəsinə başlamaq üçün vaxt vermək lazımdır. Biz hər an görüşə hazırıq. O, münasibətləri normallaşdırmaq üçün çağırış edir. Bunu qəbul etməmək mümkün deyil. Üzərimizə düşəni etməyə hazırıq”.