Cənubi Osetiya separatçılarının keçmiş lideri Eduard Kokoytı yenidən qondarma rejimə rəhbərlik etmək istəyir.

Axar.az xəbər verir ki, bunu Moskvada jurnalistlərə açıqlamasında Kokoytının özü söyləyib. Separatçı lider 2017-ci ildə baş tutacaq “prezident seçkisi”ndə iştirak edəcəyini bildirib.

Qeyd edək ki, Kokoytı 2001-2011-ci illərdə Cənubi Osetiyaya rəhbərlik edib. Məhz onun dövründə Rusiya-Gürcüstan savaşı olub və Kokoytı rus ordusunu Gürcüstana çağırıb.

2008-ci il müharibəsindən sonra o, rus ordusunun Cənubi Osetiyada yerləşdirilməsini Moskvadan xahiş edib.