Suriyada müxaliflərin Türkiyə sərhədindəki Latakiya (Lazqiyyə) bölgəsində hökumət qüvvələrinə qarşı təşkil etdiyi hücumda ən azı 100 Əsəd əsgərinin öldüyü açıqlanıb.

"Axar.az" Suriya müxalif mətbuatına istinadən xəbər verir ki, İdlib-Latakiya torpaq yolu üzərində olan Nəbaində Latakiyaya köməyə gedən Əsəd rejim qüvvələrini aparan hərbi avtomobil karvanına və həmin bölgədə olan hökumət qüvvələrinə qarşı əməliyyat təşkil edilib.

"İslami Cəbhə" komandiri Əbu Həsən tərəfindən edilən açıqlamada Əsədin hərbi avtomobil karvanının Nəbanin bölgəsində "İslami Cəbhə" və "Nüsrət Cəbhəsi"nə aid döyüşçülər tərəfindən hücuma uğradığı onlarla Əsəd əsgərinin öldüyü və hücumda çoxlu hərbi texnikanın korlandığı açıqlanıb.