Türkiyənin İstanbul şəhərinin Beşiktaş rayonunda terror olayının baş verdiyi əraziyə insan axınının ardı-arası kəsilmir.

Axar.az xəbər verir ki, bu gün həmin əraziyə ziyarət gələn Aybəniz Əliyeva adlı azərbaycanlı qadının törədilən terror olayına reaksiyası Türkiyə mediasının da diqqətindən yayınmayıb.

Yaradılan anım guşəsinə qərənfil qoyan qadın Azərbaycan və Türkiyə xalqlarının qardaş olduqlarını bildirib:

“Allah şəhidlərimizə rəhmət eləsin. Onların yeri cənnətdir. Biz azərbaycanlılar Türkiyə türklərinin, onlar da azərbaycanlıların arxasındadırlar. Biz doğma qardaşıq”.

Qeyd edək ki, yayımlanan videonun sonunda Əliyevanın bir polisi qucaqlaması duyğulu anlara səbəb olub: “Mən anayam. Bunların dırnağına qıymaq olarmı?”