Almaniya kansleri Angela Merkel gələn həftə xarici əlaqələr və təhlükəsizlik siyasəti üzrə müşaviri Kristof Xoysqeni ABŞ-a göndərəcək.

Axar.az xəbər verir ki, bu barədə informasiyanı “Şpiqel” jurnalı özünün etibarlı mənbələrinə istinadən yayıb. Xoysqenin ABŞ-da yeni seçilmiş prezident Donald Trampın milli təhlükəsizlik üzrə müşaviri Maykl Flinlə görüşü nəzərdə tutulub:

“Almaniya bundan öncə dəfələrlə ABŞ-ın hansı xarici siyasət kursunu götürəcəyini bilmədiyini bəyan edib. İndiki məqamda Merkelin ən sadiq adamı olan Xoysqenin göndərilməsində məqsəd Trampın NATO, Rusiya və Yaxın Şərq siyasətini müəyyən etməkdir. Rəsmi Berlin ABŞ-ın Rusiyaya qarşı sanksiyaları ləğv etməsindən və Qərbin vahid mövqeyini zərbə altında qoymasından narahatdır”.