Bu gün Polşa Prezidenti Anjey Duda parlament böhranının tənzimlənməsi ilə əlaqədar müxalifət partiyalarının liderləri ilə görüşəcək.

Axar.az xəbər verir ki, bu barədə prezidentin mətbuat katibi Marek Maqerovski məlumat verib.

Xatırladaq ki, cümə günündən başlayaraq Polşa müxalifəti Seymin fəaliyyətini boykot edir. Buna səbəb Seymin 2017-ci ildən parlamentin aşağı palatasında jurnalistlərin işini məhdudlaşdırmaq niyyəti, eyni zamanda, Seymin spikeri Marek Kuxçinskinin deputatlardan birini iclasdan çıxarmasıdır. Müxalifətin boykotuna baxmayaraq, Seymin iclası parlamentdə başqa bir zalda keçirilib və bir sıra qanunlar qəbul edilib. Lakin müxalifət başqa iclasda səsvermənin keçirilməsini legitim saymır.