ABŞ-ın yeni seçilmiş prezidenti Donald Tramp Rusiya Prezidenti Vladimir Putinlə münasibətlərini yaxşılaşdırmaq istəsə, Ukrayna onlar arasındakı razılaşmanın əsas qurbanı ola bilər.

Axar.az xəbər verir ki, bunu “Apostrof” saytına müsahibəsində Xarici Əlaqələr üzrə Alman Şurasının Şərqi Avropa, Rusiya və Mərkəzi Asiya proqramının sədri Ştefan Mayster söyləyib.

O, Moskva ilə Vaşinqtonun münasibətlərinin yaxşılaşması nəticəsində ABŞ-ın Krımı Rusiyanın ərazisi kimi tanıya biləcəyini də söyləyib:

“Hazırda ABŞ Konqresində olan respublikaçı çoxluq Ukraynanı dəstəkləyir. Onlar Trampın Krımın tanınması ilə bağlı təklifini rədd edə bilərlər. Bu, Konqreslə Tramp arasında ilk konflikt olacaq və prezident kompromisə getmək məcburiyyətində qalacaq”.