Səudiyyə Ərəbistanının Yəməndəki əsas düşməni Əli Abdullah Salehi Misirə gizli səfər edib.

Axar.az Türkiyə mətbuatına istinadən xəbər verir ki, Salehi Qahirədə Misir rəhbərliyi ilə görüşlər keçirib. Onun səfərinin məhz hansı tarixdə baş tutduğu hələ də bilinmir.

Qeyd edək ki, Salehi Yəmənin eks-prezidentidir. O, Səudiyyə Ərəbistanının əsas düşmənlərindən hesab edilir. İranın dəstək verdiyi Salehi yenə hakimiyyətə gəlməyi planlaşdırır. Bəzi ekspertlər bu olayın Misirlə Səudiyyə Ərəbistanının münasibətlərini daha da gərginləşdirəcəyini bildirib. Qahirənin Salehini qonağı kimi qəbul etməsi həm də Misirin İranın yanında yer almasına işarə edir.