ABŞ-ın Rusiyanın Türkiyədəki səfiri Andrey Karlovun qətli ilə heç bir əlaqəsi yoxdur, cinayətin motivləri ilə bağlı nəticə çıxarmaq isə hələ çox tezdir.

Axar.az xəbər verir ki, bunu ABŞ Dövlət Departamentinin rəsmisi Con Kirbi jurnalistlərə açıqlamasında deyib.

Onun sözlərinə görə, istintaq yekunlaşmamış bu cür iddialar səsləndirmək yolverilməzdir:

“Dövlət katibi Türkiyə XİN rəhbəri ilə danışıqları zamanı Fətullah Gülənin burada olması səbəbindən ABŞ-ın iyrənc qətllə guya əlaqəli olmasına dair səslənən ritorikadan narahatlığını ifadə edib. Bu cür ittihamlar tamamilə yalandır və heç bir həqiqətə əsaslanmır”.