Rusiyanın adı ABŞ-ın yeni seçilmiş prezidenti Donald Trampın administrasiyasının hazırladığı ABŞ-ın milli təhlükəsizliyinə təhdidlər siyahısında yoxdur.

Axar.az xəbər verir ki, bu barədə informasiyanı “Foren Polisi” qəzeti özünün etibarlı mənbələrinə istinadən yayıb. Trampın komandasının hazırladığı siyahıda müdafiə siyasətinin əsas prioritetləri sırasında İŞİD, Çin və Şimali Koreyanın fəaliyyətinə daimi nəzarət, ABŞ ordusunun modernləşdirilməsi, kiberhücumlara qarşı mübarizə məsələləri yer alıb. Qəzet bu siyahının genişlənə biləcəyini də iddia edib.

Qeyd edək ki, bundan öncə Rusiya ABŞ-ın hazırladığı bütün siyahılarda Vaşinqton üçün bir nömrəli təhdid kimi təqdim edilib.