Rusiya Federal Təhlükəsizlik Xidməti (FTX), Daxili İşlər Nazirliyi və Milli Müdafiə Qüvvələrinin birgə əməliyyatı nəticəsində Moskva şəhərində “Təbliğ Camaatı” adlı ekstermist qrupun 7 üzvü saxlanılıb.

Axar.az xəbər verir ki, saxlanılanlar arasında qruplaşmanın paytaxtdakı hücrəsini idarə edənlərin də olduğu bidirilib.

FSB-nin əldə etdiyi məlumata görə, yeni üzvlər qazanmaq üçün ideoloji fəaliyyət yürüdən “Təbliğ Camaatı” Rusiyada “Xəlifəlik” adlı dövlət qurmağı planlaşdırırdı. Bu səbəbdən qruplaşma təcrübəli üzvlərini Pakistan və Əfqanıstana təlim keçmək üçün göndərib.

Qeyd edək ki, Rusiya Ali Məhkəməsi 2009-cu ildən sözügedən qruplaşmanın ölkə ərazisində fəaliyyətinə qadağa qoyub.