Maltada Liviya Hava Yollarına aid təyyarəni qaçırmaqda şübhəli bilinənlərin məhkəməsi başlayıb.

Axar.az xəbər verir ki, şübhəlilər Musa Saha və Əhməd Əli məhkəmə zalına dəbilqə və zirehli gödəkçə geyinmiş, avtomatlarla silahlanmış polis əməkdaşları tərəfindən gətirilib.

Onlar həmçinin qanunsuz olaraq silahdan istifadə, təhdid, təyyarənin göyərtəsində zorakılıq, bir insanın icazəsi olmadan onu girov götürmək, ölkənin iqtisadi sabitliyinə ziyan vurmağa cəhddə də ittiham olunurlar.

Məhkəmə onların zaminə buraxılmasını təmin etməyib.

Şübhəlilərdən Musa Saha hakimdən ona yaxınları ilə əlaqə saxlamaq və namaz qılmağa icazə verməsini istəyib.

Hakim onun bu istəklərini yerinə yetirib.