ABŞ-ın Moskvada keçirilən Türkiyə, Rusiya və İran üçtərəfli görüşünə çağırılmaması hazırkı Prezident Barak Obamanın Yaxın Şərq siyasətinin iflası deməkdir.

Axar.az xəbər verir ki, bunu “Foks” televiziyasına müsahibəsində ABŞ Nümayəndələr Palatasının keçmiş spikeri Nyut Qinqriç söyləyib.

“Mən əminəm ki, Tramp Obama-Klinton-Kerri üçlüyünün xarici siyasət strategiyasının tam çökdüyünü anlayır. Moskvada bizim NATO-da 50 illik müttəfiqimiz olan Türkiyə ilə danışıqlar keçirildi. İran və Rusiya Suriya ilə bağlı danışıqları Amerikanın heç bir iştirakı olmadan keçirmək istəyirlər. Məhz bu, bizi narahat etməlidir. Öz zəifliyi ilə ABŞ dalana dirənib. Biz öz fəaliyyətimizi yenidən düşünməli olacağıq”, – deyə, o bildirib.