Ankara məhkəməsi Türkiyə KİV-lərinə Rusiyanın ölkədəki eks-səfiri Andrey Karlovun ölümü ilə bağlı aparılan istintaqın işıqlandırılmasına qadağa qoyub.

Axar.az xəbər verir ki, bu barədə informasiyanı “Anadolu” agentliyi özünün etibarlı mənbələrinə istinadən yayıb. KİV-lərə qadağa qoyulması ilə bağlı məhkəməyə Ankara Prokurorluğunun cinayət araşdırmaları bürosu müraciət edib. Məhkəmənin qərarına əsasən, bundan sonra mətbuatda qətldə şübhəli bilinənlərin, qətldə iştirak edənlərin adlarının çəkilməsinə və səfirə hücum anının fotolarının yayımlanmasına müvəqqəti qadağa qoyulub.

Qeyd edək ki, Andrey Karlov dekabrın 19-də sui-qəsd nəticəsində öldürülüb.