ABŞ-ın terroru dəstəklədiyini göstərən xeyli sübut var.

Axar.az xəbər verir ki, bunu Rusiya Dövlət Dumasının Beynəlxalq Əlaqələr Komitəsinin sədri Aleksey Puşkov Tvitter hesabında yazıb.

Onun sözlərinə görə, Türkiyə Prezidenti Rəcəb Tayyib Ərdoğanın səsləndirdiyi fikirlər həqiqətdir:

“Ərdoğan haqlıdır: ABŞ-ın terroru dəstəklədiyini göstərən xeyli sübut var. Dövlət departamentinin bu vəziyyəti ört-basdır etmək cəhdləri isə uğursuzdur”.

Xatırladaq ki, Ərdoğan koalisiya qüvvələrinin İŞİD-lə mübarizəyə dair öhdəliklərini icra etmədiyini qeyd edib.

“Koalisiya qüvvələri “İŞİD-ə qarşı sonuna qədər mübarizə aparacağıq” deyirdi. Hətta bizi İŞİD-ə dəstək verməkdə ittiham edirdilər. İndi isə hamısı yoxa çıxıb. Hətta bunlar İŞİD də daxil olmaqla, YPG, PYD-yə dəstək verirlər. Bu faktlar hamısı foto və video ilə əlimizdədir”, - Ərdoğan ötən gün qvineyalı həmkarı Alfa Konde ilə görüşdən sonra təşkil olunan mətbuat konfransı zamanı demişdi.