Rusiya hakerləri ATƏT-in Vyanadakı mənzil qərargahına kiberhücum həyata keçiriblər.

Axar.az xəbər verir ki, bu barədə informasiyanı Fransanın “Le Monde” qəzeti özünün etibarlı mənbələrinə istinadən yayıb. Qəzetin hücumu Rusiyanın ART-28 haker qrupunun həyata keçirdiyini bildirib. Kiberhücum zamanı hakerlər elektron poçtlara, ATƏT-in şifrələrinə və təşkilat əməkdaşlarının dosyelərinə giriş əldə ediblər. Artıq ATƏT özünün bütün 57 üzvünü hücumla bağlı xəbərdar edib.

“Le Monde” hücumun əsl hədəfinin Almaniya kansleri Angela Merkel olduğunu bildirib. Belə ki, Merkel gələn il yenidən ölkə kansleri olmaq niyyətindədir. Məhz o, Kremlin qarşısında Rusiyaya qarşı sanksiyaların ləğv edilməsi istiqamətində sonuncu maneədir. Buna görə də hakerlər qəsdən ATƏT-ə sədrlik edən Almaniyanı nüfuzdan salmağı hədəfləyirlər.