Rusiya Prezidenti Vladimir Putin Tu-154 təyyarəsinin qəzaya uğraması səbəbindən Kremldə keçiriləcək ənənəvi Yeni il qəbulunun formatını dəyişdirib.

Axar.az xəbər verir ki, Putin bu barədə çıxışında deyib.

“Bilirsiz ki, bir müddət əvvəl hansı faciə baş verib. Ona görə də mən ənənəvi Yeni il qəbulunu dəyişmək istəyirəm, bu, işgüzar xarakter daşımalıdır”.

Çıxışının sonunda prezident Rusiya və onun vətəndaşlarının şərəfinə tost qaldırıb və növbəti ildə uğurlar arzulayıb.

Qeyd edək ki, dekabrın 25-də Rusiya Müdafiə Nazirliyinə məxsus Tu-154 təyyarəsi Qara dəniz üzərində qəzaya uğrayıb. Qəza zamanı 92 nəfər həlak olub.