Uruqvayın sabiq diktatoru general Qreqorio Alvares 91 yaşında müalicə aldığı xəstəxanada vəfat edib.

Axar.az xəbər verir ki, o, 1973-cü ildə ölkəsində həyata keçirilən çevriliş cəhdində iştirak edib.

1978-ci ildə isə Baş Qərargah rəisi vəzifəsini tutub.

1981-ci ildə dövlət rəhbəri olan Alvares 3 il sonra hakimiyyəti dinc şəkildə qanuni hökumətə təhvil verib. Hərbi diktatura dövründə bir sıra cinayətlərdə ittiham edilən sabiq rəhbər 2007-ci ildə həbsxanaya salınıb.

Daha sonra çıxarılan qərarla Alvares 37 siyasi məhkumun Buenos Ayresdən Montevideoya gizli şəkildə qaçırılaraq öldürülməsini təşkil etdiyi üçün 25 il müddətinə azadlıqdan məhrum edilmişdi.